Cocas e Danzantes de Santa Tegra

Xa comezou a venda de  participacións para o sorteo das Festas da Luz 2015, que se celebrarán os días 8 e 9 de Agosto, co obxectivo de recaudar fondos para as mesmas. As bases son as seguintes:

1. Póñense a venda 2500 participacións, co prezo unitario de 1,00 €, a través dos membros da Asociación.
2. O período de venda comeza o sábado 4 de xullo de 2015 e remata o domingo 9 de agosto de 2015.
3. O sorteo terá lugar o domingo 9 de Agosto no campo da festa.
4. A mecánica do sorteo consistirá na extracción de 3 papeletas (unha por cada un dos premios sorteados), entrando no sorteo únicamente os resgardos das papeletas vendidas.
5. Os premios son os seguintes:
   1. 1ª papeleta: Tablet BQ Tesla 2 de 10,1″, con sistema operativo Windows 8.1.
      
   2. 2ª papeleta: Un lacón e unha caixa de viño Mencía “PONTE DA BOGA”
   3. 3ª papeleta: Un queixo e unha caixa de viño Mencía “PONTE DA BOGA”
6. Os números premiados serán publicados nesta mesma web, así coma no taboleiro de anuncios do Concello de Castro Caldelas e en distintos locais da vila.
7. O derradeiro día para facer efectiva a recollida do premio será o día 8 de setembro de 2015.
8. O posuidor dunha participación premiada poderá poñerse en contacto coa Asociación a través da dirección de enderezo electrónico correo@santategra.org ou do teléfono 988 207 488.
9. Para poder facer efectiva a recollida do premio, o posuidor da participación premiada deberá dar consentimento explícito para a publicación do seu nome nesta mesma web, así como nos distintos medios que a Asociación estime oportunos para dar a coñecer a entrega do premio.