Aquí vos deixo as fotos da celebración da Santa Tegra e do Roteiro Literario 2012. O tempo non nos acompañou moito pero pasamos un bo día entre amigos.
Marcos Enríquez
Santa Tegra 2012
O vindeiro domingo 23 de setembro celebraremos a festividade da Santa Tegra. Comezaremos ás 13:00 horas co terceiro Roteiro Literario, que partirá da igrexa e percorrerá o pobo de Santa Tegra, facendo as seguintes paradas, nas que se lerán textos e poesías aportadas polos asistentes:
- Igrexa
- Fonte dos Caños
- Cruceiro
- Fonte do Campo
- Campo de San Paio
- Casa da Asociación
Pode participar todo aquel que o desexe, coma público ou lendo o seu propio texto, preferentemente en galego.
Por último, celebraremos un xantar popular na casa da Asociación co sistema de prezos habitual (data límite para apuntarse: xoves 20 de setembro).
Animámosvos a todos a participar.
Habilitado o rexistro de usuario
Xa está habilitado o rexistro para novos usuarios. Na barra lateral tedes o enlace na zona de acceso. Cando vos rexistredes enviarásevos unha contraseña o voso correo electrónico que poderedes cambiar despois dende a vosa zona de perfil.
Danza das Cocas
Aquí vos deixo un vídeo da danza deste ano.
Estamos de volta
Tras unha temporada na que, por diversos motivos, non puidemos ter a web actualizada, voltamos con ganas renovadas. Como podedes ver, démoslle un cambio de estilo ó portal. Pero o cambio non está só na estética, queremos que a páxina vos achegue as novas de Santa Tegra máis de cerca e a través de distintas vías. Asimesmo, gustaríanos poder contar cunha participación máis activa de todos, necesitamos as vosas ideas e os vosos comentarios para mellorar.
A web será máis dinámica que a versión anterior, haberá algunhas seccións fixas, coma as fotos e os videos. As noticias aparecerán sempre na páxina principal, estilo blog. Outras seccións serán variables e crearanse ou eliminaranse en función das necesidades de comunicación, como poden ser as relacionadas cos eventos.