Cocido do Entroido 2014 – ACTUALIZADA

cocidoO vindeiro 2 de marzo celebraremos o Entroido coa elaboración do tradicional cocido. Todos os que queirades asistir debédesvos apuntar antes do mércores 26 de febreiro. O prezo da comida será a escote, levando un incremento de 3,00 € para os non socios.

-ACTUALIZACIÓN- A nova data para o cocido é o sábado 15 de marzo ás 14:00. O derradeiro día para apuntarse é o 12 de marzo.

Feliz Ano 2014

feliz-ano-nuevo-2014-animado-00-feliz-año-2014-3_thumbDende a Asociación Cultural e de Veciños «Cocas e Danzantes» de Santa Tegra queremos desexarvos a todos un feliz 2014.

Tamén queremos convidar a todos os socios ó brindis que celebraremos, no local da Asociación, o día 1 de xaneiro as 17:00 H para celebrar o comezo do novo ano.

Magosto 2013

magostoXa estamos preparando o Magosto de este ano, que se celebrará o venres 1 de novembro polo serán.

O prezo, coma sempre, será a escote entre os participantes, sendo de 3,00 € máis para os non socios.

Apuntarse antes do 29 de outubro a través dos cauces habituais.

Sardiñada 2013

Asociación Cultural e de Veciños «Cocas e Danzantes» de Santa Tegra

 

SARDIÑADA POPULAR

 

O luns 12 de agosto de 2013 ás 20:00 H.

No Centro Social da Almudeira

 

Sardiñas

Lacón asado

Pan, viño, bica e licor

 


Pagarase a escote dividindo os custos entre os asistentes (os non socios pagarán 3 euros máis)


 

Apuntarse antes do 8 de agosto

Festas da Luz 2013

 

Este é o programa das Festas da Luz 2013, que se celebrarán o 10 e 11 de Agosto:

 

SÁBADO DÍA 10

A partir das 22:00 H. Festa sen parar, amenizada polo grupo

REBER

e unha DISCOTECA MÓBIL ata que o corpo aguante.

 

DOMINGO DÍA 11

Ás 12:00 H. Procesión e misa cantada polo coro «Lembranza» de Castro Caldelas.

Acompañará á Virxe da Luz a Escola Provincial de Danza «Agrupación Castro Floxo», que bailará a tradicional «Danza das Cocas de Santa Tecla».

Sesión vermouth, tarde e noite amenizada por un grupo orquestral,

que actuará sen descanso dende as 21:00 H. ata as 1:00 H.

Durante a festa do domingo celebrarase o sorteo das rifas. (Bases aquí)

NÚMEROS PREMIADOS

 

LUNS DÍA 12

Sardiñada popular.

(Apuntarse antes do 8 de agosto)

 

A Novena en honor á Virxe da Luz dará comezo o venres 2 de agosto ás 20:00H.

 

 

Limpeza do Pobo

A Xunta Directiva da Asociación «Cocas e Danzantes» convoca a todos os veciños á limpeza xeral de:

  • Fonte dos Caños
  • Fonte do Arco
  • Calderriba
  • Almudeira
  • Outros..

A limpeza terá lugar o vindeiro sábado 8 de xuño ás 8:00 H.

Pídese a participación de todos.

A Implantación de Oliveiras Como Opción de Futuro

A Asociación Cultural «Cocas e Danzantes» de Santa Tegra, coa colaboración do Concello de Castro Caldelas, organiza unha charla sobre o cultivo da oliveira na nosa zona.

A charla, a cargo de Manoli González, do Departamento Agro de Aceites Abril,  terá lugar o vindeiro mércores 27 de marzo, ás 19:30 horas, no Salón de Actos do Castelo de Castro Caldelas.

Cocido do Entroido 2013

O vindeiro 10 de febreiro celebraremos o Entroido coa elaboración do tradicional cocido. Todos os que queirades asistir debédesvos apuntar a través dos cauces habituais antes do mércores 6 de febreiro. O prezo da comida será a escote, levando un incremento de 3,00 € para os non socios.

Animámosvos a todos a participar, e se queredes vir disfrazados mellor.

Magosto 2012

Xa estamos preparando o Magosto 2012 que será o vindeiro 3 de Novembro pola noite. Podédesvos ir apuntando a través dos cauces habituais e tamén dende a Zona Socios simplemente deixando un comentario na mesma.

Para todos aqueles socios que estedes dados de alta no portal pero aínda non se vos aplicara a categoría de socios no mesmo, debedes ter actualizado o voso nome e apelidos na sección de Perfil.

Santa Tegra 2012

O vindeiro domingo 23 de setembro celebraremos a festividade da Santa Tegra. Comezaremos ás 13:00 horas co terceiro Roteiro Literario, que partirá da igrexa e percorrerá o pobo de Santa Tegra, facendo as seguintes paradas, nas que se lerán textos e poesías aportadas polos asistentes:

  • Igrexa
  • Fonte dos Caños
  • Cruceiro
  • Fonte do Campo
  • Campo de San Paio
  • Casa da Asociación

Pode participar todo aquel que o desexe, coma público ou lendo o seu propio texto, preferentemente en galego.

Por último, celebraremos un xantar popular na casa da Asociación co sistema de prezos habitual (data límite para apuntarse: xoves 20 de setembro).

Animámosvos a todos a participar.